[美國芝加哥Chicago] 簽證VISA，機票、住宿及行程安排
人愈大，去得愈多自遊行， 就會發現花大半個月搵搵搵、plan plan plan.... 最後以為有個完美嘅行程啦，點知都會食到難食野，中到無限伏... 反而無plan過往往都會有小驚喜!! 所以今次，我都無點做過research就膽粗粗飛左半個地球過去! 見香港好少有寫美國嘅遊記，準備出發嘅各位可以參考下啦~ 簽證VISA 申請簽證前我一直都超級擔心，因為家父不斷同我講好難架， 特別係後生女，驚你過左去唔返黎。 比左千幾蚊，驚最後 簽證無、錢又無都好正常啊! 點知成個過程真係超順利!!! 面試就好似去銀行分行排隊咁，開左5個櫃台面見， 後面排隊嘅係可以睇同聽曬前面嘅成個對話， 眼見前面20位申請者有英文流利有一般嘅都唔使5分鐘就搞掂， 我身為一個正常人當然都成功拎左10年 簽證! 原本以為要等7個工作天，點知2日就拎返passport，好有效率! 綜合聽左咁多位申請者嘅對話，我諗只要你有穩定嘅工作， 有確實嘅計劃，原因合理，同講野唔好前後矛盾，基本上都OK架啦~ 機票 我係坐SAS先飛瑞典再轉機芝加哥 ( 飛左半個地球!!)， 香港時間早上7點出發，飛左20粒鐘，到步先係同一日嘅傍晚時分... 除非你有好多時間，或者想坐下SAS，又或者想玩埋瑞典， 唔係嘅話飛地球另一邊會比較快~ ▲真係飛左半個地球lol ▲ ▲個天好靚▲ ▲真心想讚SAS嘅野食真係好好味 ▲ ▲飛機上睇到嘅夜景 ▲ 住宿 飛左20粒鐘個人已經散曬，第二朝又要晨早長征去搵朋友， 所以第一晚就求其搵左間最平又近鐵路嘅民宿， 方便聽朝坐地鐵去Greyhound Chicago Bus Station~ 1. Holiday Jones ：地理位置不錯，步行至地鐵出口約5分鐘。民宿地下係餐廳，大堂嘅佈置好有風格，唔錯! 民宿無電梯，而且樓梯狹窄，兩個人並肩行都有難度，搬唔到行李上房可存放起櫃台。我住嘅係3人房，一張碌架床外加一張單人床，房間就無特別嘅裝潢但清潔度不錯。中間通道唔闊，行李我都係放床底。每位住客都有毛巾同床單提供，另外仲有一個可以鎖嘅儲物櫃，但要自備鎖或者買。對我而言，只係起度訓一晚其實咩我都接受到架啦，但洗手間真係big no no! 共用嘅洗手間雖然無洗頭水沐浴露提供，但其實好乾淨。...
